Ditën e enjte, 6 gusht 2026, vendi ynë do të vijojë të jetë nën ndikimin e masave ajrore të qëndrueshme dhe të nxehta. Sipas të dhënave nga Shërbimi Meteorologjik Ushtarak, parashikohet mot kryesisht i kthjellët në të gjithë territorin, ndërsa gjatë orëve të mesditës priten vetëm vranësira të pakta kalimtare, të cilat nuk do të ndikojnë në kushtet e përgjithshme atmosferike.
Temperaturat do të mbeten të larta, ku qytetet më të nxehta të vendit do të jenë Gjirokastra dhe Shkodra, me vlerat maksimale që do të arrijnë në 38°C.
Era do të fryjë nga kuadrati i perëndimit me një shpejtësi mesatare deri në 5 m/s. Përgjatë vijës bregdetare dhe në zonat luginore, erërat pritet të forcohen herë pas here, duke arritur shpejtësi deri në 10 m/s. Sa i përket situatës në det, parashikohet një valëzim i forcës 1-2 ballë, duke krijuar kushte të favorshme për lundrim.