Për ditën e hënë, territori shqiptar do të ndikohet nga kushte atmosferike të qëndrueshme. Në Ultësirën Perëndimore do të mbizotërojnë kthjellimet, ndërsa në zonat malore të lindjes dhe juglindjes do të ketë vranësira të pakta deri mesatare, kryesisht gjatë orëve të mesditës. Pas orëve të mesditës, moti pritet të kthjellohet në të gjithë territorin, me përjashtim të reshjeve të dobëta dhe të izoluara në formë pikash në zonat malore të lindjes.
Temperaturat do të mbeten të larta, me vlerat maksimale si vijon:
- Elbasan dhe Berat: 36°C
- Tiranë, Shkodër dhe Fier: 35°C
- Zonat bregdetare: 33°C deri në 34°C
- Korçë: 29°C
Era do të fryjë me drejtim veriperëndim-verilindje, me shpejtësi mesatare 7 m/s. Përgjatë vijës bregdetare dhe zonave luginore, erërat do të arrijnë intensitet deri në 15 m/s. Në detet Adriatik dhe Jon, valëzimi do të jetë i forcës 2-4 ballë.