Fundjava e parë e muajit gusht pritet të jetë mjaft e nxehtë, me mot kryesisht me diell në të gjithë vendin. Sipas njoftimit të Institutit Hidrometeorologjik të Kosovës (IHMK), dita e premte, 1 gusht, do të sjellë kushte meteorologjike të kthjellëta dhe të nxehta. Temperaturat minimale do të shënojnë vlera ndërmjet 11 dhe 16 gradë Celsius, ndërsa vlerat maksimale do të lëvizin nga 31 deri në 36 gradë Celsius. Gjatë kësaj dite, era do të fryjë me intensitet të lehtë deri mesatar nga drejtimet verilindore dhe veriperëndimore.
E njëjta situatë atmosferike do të mbizotërojë edhe gjatë ditës së diel. Temperaturat minimale do të mbeten të qëndrueshme, ndërmjet 11 dhe 16 gradë Celsius, kurse maksimalet do të shënojnë një rritje të lehtë, duke u pozicionuar ndërmjet 32 dhe 36 gradë Celsius. Era do të vazhdojë të fryjë nga verilindja dhe veriperëndimi me intensitet të lehtë deri mesatar.
Instituti Hidrometeorologjik i Kosovës ka tërhequr vërejtjen për indeksin e lartë UV gjatë këtyre ditëve. Për të mbrojtur shëndetin, ekspertët rekomandojnë shmangien e ekspozimit të zgjatur në rrezet e diellit, veçanërisht gjatë orëve të mesditës dhe pasdites së hershme, kur intensiteti i rrezatimit është më i lartë.