Ernest Muçi dha kontributin vendimtar në fitoren e Trabzonspor kundër Samsunspor në çerekfinalet e Kupës së Turqisë. Në ekzekutimin e penalltive, sulmuesi i kombëtares shqiptare shënoi goditjen e fundit, duke vulosur kualifikimin në gjysmëfinale.
Ndeshja u luajt në transfertë dhe ishte e vështirë, siç e pranon vetë Muçi. "Është një ndeshje e vështirë, e pame edhe me ekipet e tjera se si luajtën. Është vetëm një ndeshje, ndaj duhet ta interpretosh siç duhet. Është shumë e vështirë në këtë stadium, një skuadër shumë e mirë. Ne jemi shumë, shumë të lumtur që shkuam në gjysmëfinale, ishte një ndeshje shumë e rëndësishme për ne dhe do të shkojmë atje për të fituar dhe arritur në finale", deklaroi ai pas sfidës.
Sulmuesi shqiptar u pyet edhe për gjendjen e tij shëndetësore. Ai vuajti një dëmtim që e mbajti larg fushave për një ose dy javë, periudhë në të cilën nuk mundja as të ecja. "Por tani po bëhet çdo gjë më mirë në stërvitje dhe sot ndjehesha mirë. Ndaj shpresoj që në ndeshjen e radhës të luaj më shumë minuta dhe të vazhdoj të ndihmoj ekipin", shtoi Muçi.