Hekuran Murati, ministër i Financave, ka shkruar në Facebook se shpërndarja e Kuvendit me dekret të Presidentes Vjosa Osmani ka penguar miratimin e aktesh të rëndësishme.
Ai thekson se brenda 60 ditëve të parashikuara nga Neni 82 i Kushtetutës, para shpërndarjes, Kuvendi do të mund të votonte:
- Marrëveshjet ndërkombëtare, për të cilat ishin të parapara 121 milionë euro në seancën e së premtes së fundit;
- Ligjet e pakos së Planit të Rritjes me BE-në, miratimi i të cilave do të lironte mjete nga 882 milionë euro të planit;
- Rishikimin e Buxhetit;
- Ligje dhe reforma të tjera me rëndësi;
- Ndryshime kushtetuese për zgjedhjen e Presidentit me votë direkte, me afate sipas rregullores së Kuvendit;
- Eventualisht një emër konsensual për President, për të zgjidhur ngërçin pa pasoja.
Murati e cilëson dekretin e shpërndarjes kundërkushtetues, pasi përfaqësuesve të popullit u mohua e drejta për të kryer detyrën. Ai pyet pse ka pasur nxitim.
Në orën e fundit të 5 marsit, Lëvizja Vetëvendosje propozoi dy kandidatë të saj për President: Glauk Konjufcën dhe Fatmire Mulhaxha Kollçakun, të dy nga partia e kryeministrit Albin Kurti.