Myrto Uzuni, sulmuesi i Kombëtares shqiptare, ka shënuar golin e 10-të me Austin FC në ndeshjen e parë të sezonit ndaj Minesotës, që u mbyll me barazim 2-2.
Ai është lojtari i tretë në historinë e klubit që arrin këtë shifër, pas Maksit Uruti dhe Gias Zardez. Nëntë golat e tjerë i kishte shënuar përgjatë vitit 2025.
Rekordin aktual e mban Maksi Uruti me 11 gola në 64 ndeshje. Austin FC garon në ligën MLS që nga viti 2021. Me 35 paraqitje deri tani, Uzuni ka mundësi të vendosë një rekord të ri.
Sulmuesi nga Berati ka kontratë me klubin deri në fund të vitit 2027. Në merkaton e dimrit, ai ishte pranë një kalimi te Trabzonspori, por palët nuk ranë dakord për kushtet financiare.