Arbërie Nagavci, shefja e Grupit Parlamentar të Vetëvendosjes, foli për çështjen e postit të presidentit, duke krahasuar mbështetjen për Glauk Konjufcën me atë të presidentes aktuale Vjosa Osmani. Deklarata u bë më 20 mars 2026, në emisionin "Dukagjini".
Nagavci u shpreh se brenda subjektit të tyre besojnë se kandidati Konjufca ka përkrahje më të madhe në vota. “Ne besojmë që z. Konjufca ka më shumë vota se zonja Osmani. Kemi besuar dhe besojmë akoma”, tha ajo.
Ajo kërkoi nga deputetët e Kuvendit reflektrim për të shmangur bllokadat. “Unë shpresoj që deputetët që kanë marrë besimin e qytetarëve vërtet do të reflektojnë, do të largojnë mendësinë e inatit, ne nuk jemi te mendësia e pazareve. Situata është vërtet serioze, vendi ka nevojë për institucione stabile”, deklaroi Nagavci.
Ajo shtoi se mbajtja e zgjedhjeve të reja nuk do të sillte ndryshim të madh në situatë.