Arbërie Nagavci, shefja e Grupit Parlamentar të Lëvizjes Vetëvendosje, në emisionin Debat Plus deklaroi se opozita po bën zhurmë pa fakte dhe ka humbur rrugën.
Ajo komentoi Marrëveshjen e Ohrit, duke thënë se kjo marrëveshje nuk kufizohet vetëm në një nen, por përfshin nenin 10 dhe nenin 7, të cilat lidhen me njohjen de facto mes dy vendeve. "Në një situatë të tillë jemi duke folur për diçka tjetër. Por gjithsesi opozita në këtë situatë ku janë, po mundohen të bllokojnë gjithçka pa pasur asnjë argument e asnjë fakt", u shpreh ajo.
Nagavci shtoi se opozita "po bën shumë zhurmë, ndërkohë që nuk po bën asgjë", ndërsa qytetarët e dinë se qëndrimet dhe angazhimi i kryeministrit të Lëvizjes Vetëvendosje janë në interes të vendit.
Ajo theksoi se sovraniteti dhe integriteti i Kosovës nuk kanë qenë asnjëherë më të plotë dhe më të pacenueshëm në çdo cep të Republikës. Për ta mbështetur, Nagavci përmendi:
- Ligji për të Huajt ka më shumë se një dekadë që është në fuqi dhe nuk është zbatuar thuajse për askënd; tani do të respektohet plotësisht për të gjithë.
- Deklaratat e eksponentëve të PDK-së, të cilët kanë kritikuar Lëvizjen Vetëvendosje, janë për keqardhje.