Nagip Krasniqi dhe Isuf Zejna u deklaruan sërish të pafajshëm në seancën e së enjtes në Gjykatën Themelore të Prishtinës.
Krasniqi, ish-kryeshef i Korporatës Energjetike të Kosovës (KEK), akuzohet për "Keqpërdorim të detyrës zyrtare" dhe "Zbulim të fshehtësisë zyrtare". Zejna akuzohet për "Ndihmë në kryerjen e veprës penale keqpërdorim i detyrës zyrtare".
Sipas aktakuzës së Prokurorisë Speciale, bashkë me Ymer Dragushën, ushtrues të detyrës së drejtorit të zyrës së prokurimit në KEK dhe përfaqësues i kompanisë "Rexhepi Zeqiri Zejna L.L.C", ata i kanë shkaktuar dëm buxhetit të shtetit rreth 37 milionë euro.
Historiku gjyqësor
- Më 23 prill 2025, Gjykata Themelore miratoi pjesërisht kërkesën e mbrojtjes, duke hedhur aktakuzën për "Zbulim të fshehtësisë zyrtare" dhe rikualifikuar të tjerat në një vepër "Keqpërdorim të detyrës zyrtare" në vazhdim.
- Gjykata e Apelit ndryshoi vendimin, duke konfirmuar aktakuzën për pesë vepra "Keqpërdorim të detyrës zyrtare" (katër në bashkëkryerje) dhe një "Zbulim të fshehtësisë zyrtare".
- Në seancën fillestare të 7 shkurtit 2025, Krasniqi dhe Zejna deklaruan të pafajshëm.
- Ymer Dragusha ka arritur marrëveshje me Prokurorinë për pranimin e fajësisë.
Seanca vazhdon me dhënien e fjalës hyrëse palëve në procedurë.
Përditësime
Nagip Krasniqi e quajti aktakuzën tendencioze në fjalën e hyrëse.
Prokurorja Fikrie Zejnullahu premtoi prova, përfshirë biseda, komunikime dhe opinione të KRPPS-ë. Ajo përmendi dëm prej 37 milionë euro për KEK dhe Qeveri, si dhe komunikime me Dejona Mihalin dhe zyrtarë të Vetëvendosjes për zbulim fshehtësie.
Isuf Zejna deklaroi se kontrata nuk u zbatua dhe nuk shkaktoi dëm. Ai theksoi mbi 40 prokurime të negociuara në 2023, si dhe kontrata ligjore të KEK-ut 11 herë më të vlefshme me të njëjtën procedurë.
Prokurorja përmendi kontratën specifike me Litëin S.A. si pjesë e provave kyçe. Nagip Krasniqi deklaroi: "Jo, nuk e pranoj." Isuf Zejna deklaroi: "Nuk jam fajtor dhe nuk e pranoj fajësinë." Prokurorja u anku për ndriçimin e dobët gjatë fjalës hyrëse.
Nagip Krasniqi e quajti tendencioz paraburgimin 5-mujor, duke thënë: "Ky paraburgim 5-mujor është tendencioz, ndryshe nga rastet e tjera ku nuk u arrestua askush".
Prokurorja Fikrie Zejnullahu shpjegoi shkeljet në procedurën e tenderit me Litëin S.A., që dëmtoi operatorët e tjerë dhe solli përfitim pasuror të kundërligjshëm.