Një punëtor i një kompanie të autorizuar për punime në rrugë u sulmua më 7 mars 2026, rreth orës 15:30, në rrugën "12 Qershori" në Ferizaj. I dyshuari e goditi viktimën për shkak të pengesës së krijuar nga punimet në rrugë.
Policia e Kosovës reagoi menjëherë në vendngjarje me një patrullë. Viktima u intervistua, ndërsa në rast u angazhuan njësitë hetimore të stacionit policor. Në konsultim me prokurorin e shtetit, ngjarja u iniciua si vepër penale "Sulmi".
Zëdhënësi i policisë për rajonin e Ferizajt, Kanun Veseli, bëri të ditur se i dyshuari u identifikua si B.J., 23 vjeç. Ai u kontaktua për intervistim dhe, me vendim të prokurorit, u ndalua në mbajtje për 48 orë për procedura të tjera hetimore.
Hetimet vazhdojnë për zbardhjen e plotë të rrethanaeve të ngjarjes.