Për shkak të një dëmtimi në gypin e ujësjellësit, banorët e disa rrugëve në kryeqytet kanë mbetur pa furnizim me ujë të pijshëm. Kompania Rajonale e Ujësjellësit KRU Prishtina ka bërë të ditur përmes një njoftimi zyrtar se ndërprerja ka prekur akset rrugore që lidhen me rrugën Ndue Përlleshi.
Rrugët e përfshira në këtë ndërprerje janë:
• Rruga Shefik Miftari
• Rruga Fatbardha Gega
• Rruga Hysni Xhemajli
• Rruga Ruzhdi Saliu
• Rruga Tuzi
Kompania nuk ka njoftuar ende një afat kohor se kur pritet të rikthehet furnizimi normal me ujë për banorët e zonave të prekura, ndërsa ka kërkuar mirëkuptimin e qytetarëve për situatën e krijuar.
Përditësime
KRU Prishtina zgjeroi listën e zonave të prekura nga ndërprerja e ujit. Problemet teknike tani përfshijnë edhe rrugët Norbert Jokl, Fetah Gega, Prend Doçi dhe 24 Maji – Bedri Shala.