Një fëmijë, shtetas i Kosovës, ka ndërruar jetë në Qendrën Klinike Universitare të Kosovës (QKUK) si pasojë e lëndimeve të rënda trupore. I mituri ishte duke u trajtuar në këtë institucion shëndetësor për rreth dy javë, pas një aksidenti të ndodhur më 8 qershor 2026, rreth orës 13:10, në rrugën “Pajazit Nushi” në Gjilan.
Sipas raportit të Policisë së Kosovës, viktima ishte rrëzuar përderisa po përdorte një trotinet elektrik. Organet e rendit kanë njoftuar se rasti është iniciuar si “Vetaksident trafiku me fatalitet”. Pas konfirmimit të vdekjes, me urdhër të prokurorit, trupi i pajetë i viktimës u është dorëzuar familjarëve për procedurat e mëtejshme.