Ikona e muzikës country, Dolly Parton, është ndarë nga jeta në moshën 80-vjeçare. Lajmin e bëri të ditur nipi i saj, Brian Seaver, përmes një videoje të publikuar në rrjetet sociale, ku përfaqësonte familjet Parton dhe Owens. Këngëtarja ka ndërruar jetë qetësisht në shtëpinë e saj në Nashville, Tennessee.
Presidenti i Shteteve të Bashkuara, Donald Trump, përmes një postimi në platformën Truth Social, e cilësoi humbjen e saj si një ngjarje me ndikim për miliona njerëz. Në shenjë nderimi, ai urdhëroi që flamujt amerikanë në të gjithë vendin të valëviten në gjysmështizë për një javë, duke filluar nga ora 18:00. Trump vlerësoi kontributin artistik të Parton, duke theksuar se ajo ishte një figurë e pazëvendësueshme në historinë e muzikës dhe se “nuk ka pasur kurrë askënd si ajo”.
Dolly Parton la pas një karrierë artistike që zgjati mbi gjashtë dekada, duke realizuar hite botërore si “Jolene”, “9 to 5” dhe “I Will Always Love You”. Gjatë karrierës së saj, ajo fitoi 11 çmime Grammy dhe shiti mbi 100 milionë disqe. Përtej muzikës, ajo u angazhua gjerësisht në filantropi, veçanërisht përmes programit Imagination Library, që synon nxitjen e leximit te fëmijët. Vdekja e këngëtares vjen një vit pas ndarjes nga jeta të bashkëshortit të saj, Carl Dean, me të cilin ishte martuar për afro 60 vjet.