Departamenti i Garave në FSHF njoftoi zyrtarisht ndryshimet në programin e javës së 32-të të kampionatit kombëtar të futbollit. Vendimi për rishikimin e orareve u mor pas kërkesës së Policisë së Shtetit, për shkak të zhvillimit të protestës së opozitës më 17 prill 2026 dhe nevojës për të garantuar sigurinë publike.
Ndryshimet përfshijnë veçanërisht derbin Dinamo City – Tirana, i cili është shtyrë për të shtunën, më 18 prill, në orën 19:00, si dhe ndeshjen Egnatia – Flamurtari, e cila do të zhvillohet po të shtunën, në orën 16:00.
Kalendari i plotë i javës së 32-të:
• FK Vora – Vllaznia: 18 prill, ora 16:00, Stadiumi “KF Vora”
• Egnatia – Flamurtari: 18 prill, ora 16:00, Stadiumi “Arena Egnatia”
• Teuta – AF Elbasani: 18 prill, ora 19:00, Stadiumi “Niko Dovana”
• Dinamo City – Tirana: 18 prill, ora 19:00, Stadiumi “Air Albania”
• Partizani – Bylis: 19 prill, ora 19:00, Stadiumi “Arena e Demave”
FSHF falënderoi klubet për mirëkuptimin dhe bashkëpunimin në lidhje me këto ndryshime të detyruara nga zhvillimet e sigurisë.