Pas përfundimit të procesit të konkurrimit për Drejtor Qarku, Policia e Shtetit ka kryer një valë lëvizjesh dhe emërimesh në strukturat e saj vendore. Drejtuesit që u shpallën fitues në garën e zhvilluar janë emëruar në krye të drejtorive vendore të policisë.
Në nivelin e Drejtorive Vendore të Policisë (DVP), ndryshimet janë si më poshtë:
- Ardrit Elmazi (Drejtues) – emërohet Drejtor i DVP Kukës.
- Dashamir Spaho (Drejtues) – emërohet Drejtor i DVP Shkodër.
- Xhevahir Karaj (Drejtues i Parë) – emërohet Drejtor i DVP Dibër.
Ndërkohë, drejtuesi Armir Gjikolaj, i cili mbante postin e Drejtorit të DVP Dibër, është transferuar në detyrën e Drejtorit të Qendrës së Mbyllur të të Huajve, pasi ka dhënë dorëheqjen nga detyra e mëparshme me kërkesën e tij.
Ndryshimet kanë përfshirë gjithashtu poste të tjera drejtuese dhe komisariate:
- Idris Daulle (Kryekomisar) – emërohet Zëvendësdrejtor për Sigurinë Publike në DVP Durrës.
- Erion Duma (Kryekomisar) – emërohet Shef i Komisariatit të Policisë Shkodër.
- Klodjan Çeka (Komisar) – emërohet Shef i Komisariatit të Policisë Malësi e Madhe.
- Sokol Myrta (Komisar) – emërohet Shef i Komisariatit të Policisë Mirditë.
Ky riorganizim është pjesë e ndryshimeve të vazhdueshme në strukturat e Polisë së Shtetit, të cilat pasohen nga proceset e vlerësimit dhe konkurrimit të brendshëm.
Përditësime
Policia e Shtetit ka njoftuar ndryshime në nivelet drejtuese, ku Sokol Myrta është emëruar zyrtarisht në postin e Drejtorit të DVP Lezhë.