Policia e Shtetit ka ndërmarrë të enjten, më 18 qershor 2026, një valë ndryshimesh në strukturat drejtuese, duke emëruar shefa të rinj në një sërë komisariatesh kyçe. Sipas burimeve zyrtare, procesi përfshin gjithsej 65 lëvizje të personelit, me qëllim përmirësimin e menaxhimit dhe rritjen e efektivitetit të punës në strukturat vendore.
Ndër emërimet më të rëndësishme është zhvendosja e Feliks Hodës në krye të Komisariatit të Vlorës, i cili më parë ka mbajtur detyrën e shefit të Komisariatit Nr. 4 në Tiranë. Në këtë post, tashmë është emëruar Florent Sulçe, i cili më herët ka shërbyer si zëvendësshef në të njëjtën strukturë.
Lista e disa prej emërimeve të reja përfshin:
• Ervin Hasrama – Shef i Komisariatit Nr. 1, Tiranë
• Elton Shahini – Shef i Komisariatit të Krujës
• Sentiljan Ndreu – Shef i Komisariatit të Laçit
• Arben Sulaj – Shef i Komisariatit të Lezhës
• Andi Deda – Shef i Komisariatit të Shijakut
• Bilal Selmanaj – Shef i Komisariatit të Dibrës
• Elvis Peza – Shef i Komisariatit të Mirditës
• Emiljan Pashaj – Shef i Komisariatit të Korçës
• Ergys Gjoni – Shef i Komisariatit të Bulqizës
• Oltion Gjoni – Shef i Komisariatit të Matit
Lëvizjet janë bërë në kuadër të ristrukturimit të brendshëm të Policisë së Shtetit, duke prekur qytete nga veriu në jug të vendit. Procesi synon konsolidimin e drejtimit në nivelet lokale, duke vënë në pozicione drejtuese persona me përvojë brenda strukturave policore.
Përditësime
Policia e Shtetit ka saktësuar emrat e zyrtarëve të përfshirë në 65 lëvizjet e fundit në komisariatet kryesore. Ndryshimet në listën emërore janë si më poshtë:
- Oltion Agolli (në vend të Oltion Gjoni);
- Feliks Hodaj (në vend të Feliks Hoda);
- Florian Sulçe (në vend të Florent Sulçe).