Departamenti i Komunikimit në Federatën Shqiptare të Futbollit (FSHF) bëri me dije një ndryshim orari për ndeshjen e javës së 24-t të kampionatit Abissnet Superiore, Partizani-Tirana. Derbi i kryeqytetit do të luhet të dielën në orën 16:30 në stadiumin Air Albania, në vend të orës 19:30 siç ishte planifikuar më parë.
Ky ndryshim u miratua nga Komisioni i Ligave dhe Garave. Mësohet se arsyeja lidhet me festën e 107-vjetorit të themelimit të Vllaznisë, ku ndeshja e shkodranëve ndaj Elbasanit u zhvendos në orën 19:30 në stadiumin Loro Boriçi për të mbajtur një ceremoni.
Në kampionat, Partizani ndodhet në vendin e pestë me 30 pikë dhe synon zonën e Final 4-ës. Tirana ka 21 pikë, ka lënë pas zonën e degradimit pas një sezoni të vështirë dhe regjistron dy muaj pa humbje.
Ndeshja pritet me interes nga tifozët për shkak të rivalitetit historik mes dy skuadrave kryeqytetase.
Përditësime
Klubi i Partizanit konfirmoi se biletat e shitura për derbin kundër Tiranës mbeten të vlefshme, pavarësisht zhvendosjes së orarit në 16:30 në Air Albania.
Ndryshimi nuk u prit mirë nga tifozët e Partizanit dhe Tiranës.
Detaje të reja për kalendarin:
- Dinamo City-Flamurtari në 16:30 në Elbasan Arena;
- Ndeshjet e së shtunës: Vora-Egnatia dhe Teuta-Bylis.