Nedim Bajrami u rikthye në fushë këtë fundjavë me Rejnxhërs, pas një dëmtimi që e kishte detyruar të dilte shpejt nga loja në një ndeshje të mëparshme. Mesfushori shqiptar kishte luajtur si titullar në takimin kundër Kilmarnok më 6 dhjetor, por u largua pas vetëm rreth 21 minutash për shkak të një problemi muskulor.
Rikthimi i tij është një lajm pozitiv për Kombëtaren shqiptare. Megjithatë, Rejnxhërs vazhdon të ketë në plan shitjen e tij gjatë periudhës së merkatos, me mundësi që kjo të ndodhë që në janar. Arsyet kryesore janë hapësirat e kufizuara në skuadër dhe paraqitjet e pakta këtë sezon.
Bajrami bën pjesë në listën e lojtarëve që mund të largohen, së bashku me Nsiala, Matondo dhe Danilo. Klubet kanë të drejtë të bëjnë ndryshime në listën zyrtare të UEFA-s në janar, por deri tani Rejnxhërs nuk e ka përfshirë mesfushorin kuqezi. Nëse ai vendos të qëndrojë, mund të përfshihet më vonë në këtë listë.