Nesër, më 3 prill 2026, në Gjykatën Themelore të Prishtinës mbahet seanca e radhës ndaj të akuzuarës Jelena Gjukanoviq për veprën penale të spiunazhit. Seanca nis në orën 09:00.
Jelena Gjukanoviq, shtetase serbe dhe punonjëse e Organizatës për Siguri dhe Bashkëpunim në Evropë (OSBE), u arrestua më 28 shkurt 2025 në pikën kufitare të Jarinjës, në veri të Kosovës. Që nga ajo kohë, ajo mbetet në paraburgim.
Ajo dyshohet për spiunazh në bashkëpunim me një person tjetër, i cili po ashtu është nën hetime. Gjukanoviq dyshohet se ka bashkëpunuar me Agjencinë Serbe të Sigurisë dhe Inteligjencës (BIA).
Sipas Kodi Penal i Kosovës, spiunazhi konsiderohet krim i rëndë dhe, nëse konfirmohet faji, dënohet me të paktën pesë vjet burg.