Kryeministri i Izraelit, Benjamin Netanyahu, deklaroi se vendi i tij gëzon një forcë të shtuar, duke vlerësuar se Irani dhe Hezbollahu ndodhen në pikën e tyre më të dobët historike. Sipas kreut të qeverisë, përpjekjet e këtyre aktorëve për të imponuar një "ekuacion të ri" në rajon janë të papranueshme dhe të patolerueshme.
Sipas Netanyahut, ndërprerja e shkëmbimeve të zjarrit është rezultat i drejtpërdrejtë i goditjeve që Izraeli kreu brenda territorit iranian. Kryeministri theksoi se operacionet për asgjësimin e infrastrukturës ushtarake në zonën e sigurisë vijojnë, duke evidentuar veçanërisht objektet nëntokësore në vargmalin malor Beaufort në Libanin jugor, të cilat i cilësoi si ndër më të mëdhatë që ka parë ndonjëherë.
Megjithatë, kreu i qeverisë izraelite paralajmëroi se lufta nuk ka përfunduar. Ai dërgoi një mesazh të qartë se ushtria izraelite mbetet në gatishmëri të plotë dhe se në rast të ndonjë sulmi të mëtejshëm, Izraeli do të ushtrojë të drejtën e tij të vetëmbrojtjes me forcë shkatërruese.