Benjamin Netanyahu, kryeministri i Izraelit, ka publikuar një video nga palestra, ku shfaqet duke u stërvitur. Kjo vjen si reagim ndaj komenteve të ish-kryeministrit Naftali Bennett për moshën dhe gjendjen fizike të tij 76-vjeçare.
Në video, Netanyahu bën ushtrime fizike, u drejtohet të rinjve me një mesazh për rëndësinë e aktivitetit fizik dhe kujdesit shëndetësor. Ai ndan gjithashtu rutinën e tij ushqimore pas stërvitjes.
Pak ditë më parë, ai bëri publike se i ishte nënshtruar trajtimit për një tumor malinj të prostatës. Problemi u zbulua gjatë një kontrolli rutinë pas një operacioni për hipertrofi beninje të prostatës në dhjetor 2024. Tumor i vogël, më pak se 1 cm, në fazë shumë të hershme dhe pa metastaza.
Edhe pse iu ofrua mundësia e monitorimit pa ndërhyrje të menjëhershme, Netanyahu zgjodhi trajtimin e shpejtë. Sipas tij, ndërhyrja ka qenë e suksesshme dhe tumori është trajtuar plotësisht. Ai deklaroi: “Jam i shëndetshëm, në gjendje të shkëlqyer fizike”.
Vlerësimet mjekësore tregojnë se analizat e gjakut, testet fizike dhe funksioni kardiak janë brenda normave. Funksioni kardiak mbetet i qëndrueshëm që nga vendosja e një stimuluesi kardiak në 2023.
Netanyahu pranoi se shtyu publikimin e diagnozës për disa javë, për të shmangur përdorimin e saj për propagandë nga Irani.