Kryeministri i Izraelit Benjamin Netanyahu ka deklaruar se vendi i tij do të vazhdojë sulmet ndaj Iranit dhe Libanit. Kjo vjen ndërsa presidenti amerikan Donald Trump shprehet optimist për një mundësi përfundimi të shpejtë të luftës dhe një marrëveshje me Teheranin.
Netanyahu bëri të ditur se Izraeli po shkatërroi programin e raketave dhe programin bërthamor iranian, si dhe vazhdon të japë goditje të rënda Hezbollahut. "Vetëm pak ditë më parë eliminuam dy shkencëtarë bërthamorë dhe jemi ende aktivë", tha ai.
Lufta filloi me sulme nga Shtetet e Bashkuara dhe Izraeli ndaj Iranit. Trump udhëzoi ushtrinë amerikane të shtyjë të gjitha sulmet ushtarake ndaj termocentraleve dhe infrastrukturës energjetike iraniane.
Pretendimet e Trump për afrim të paqes u hodhën poshtë nga Irani.
Përditësime
Një raketë iraniane goditi në qendër të Tel Avivit.
Garda Revolucionare Islamike deklaroi sulme të rënda me raketa dhe dronë ndaj Izraelit.
Raportohen 4,829 të plagosur, 111 në spital dhe 12 në gjendje të rëndë.
Izraeli kreu një valë të re sulmesh ndaj infrastrukturës në Teheran, 40 minuta pas deklaratës së Trump-it.
Netanyahu paralajmëroi për kundërpërgjigje të forta në ditët e ardhshme.
Kryeministri izraelit Benjamin Netanyahu urdhëroi të martën ushtrinë të shkatërrojë industrinë e armëve iraniane brenda 48 orëve.
Zhvillime të tjera:
- Plani i Donald Trump përfshin 15 kushte për një ndërprerje 1-mujore të luftës dhe negociata.
- Izraelitët nuk besojnë se plani eliminon kërcënimin bërthamor dhe raketor iranian.
- Liderët izraelitë frikësohen se Trump do ta ndalojë luftën papritur, sipas Kanali 12.