Sulmuesi i Santos, Neymar, po shqyrton mundësinë e tërheqjes nga futbolli aktiv pas paraqitjes së fundit në Kupën e Botës, të zhvilluar në SHBA, Kanada dhe Meksikë. Lojtari, i cili ishte pjesë e ekipit të drejtuar nga trajneri Carlo Ancelotti, regjistroi më pak se 45 minuta lojë gjatë këtij turneu.
Pas eliminimit në fazën e 1/8-ave nga përfaqësuesja e Norvegjisë, ku realizoi një gol nga pika e bardhë, 34-vjeçari bëri të ditur vendimin për t'u larguar nga kombëtarja braziliane. Deklarata e tij pas ndeshjes në MetLife Stadium la të kuptohej se rrugëtimi i tij në nivele të larta mund të ketë përfunduar: “U përpoqa. U përpoqa. Gjithçka nisi këtu dhe përfundoi po këtu. Tani gjithçka ka marrë fund”, u shpreh lojtari.
Sipas burimeve të afërta, vendimi i mundshëm për të mbyllur karrierën buron nga zhgënjimi për mungesën e vlerësimit të kontributit të tij dhe ngarkesa psikologjike nga presioni i vazhdueshëm në futbollin profesionist. Gjatë karrierës me kombëtaren, Neymar nuk arriti ta udhëhiqte Brazilin drejt fitimit të trofeut të Kupës së Botës, pavarësisht se theu rekordin e golave të legjendës Pele në vitin 2023.
Karriera e tij në botërorë është shoqëruar nga sfida të ndryshme:
• Botërori 2014: U detyrua të largohej për shkak të dëmtimit.
• Botërori 2018: Eliminim në fazat e avancuara nga Belgjika.
• Botërori 2022: Eliminim në Katar pas gjuajtjeve nga pika e bardhë kundër Kroacisë.