Kombëtarja e Brazilit i dha fund rrugëtimit të saj në Kampionatin Botëror pas humbjes 2-1 ndaj Norvegjisë, në një takim të vlefshëm për fazën e të tetës së finales. Ndeshja u vendos nga dygolëshi i Erling Haaland, i cili siguroi kualifikimin e norvegjezëve për në çerekfinale.
Sulmuesi Neymar, i cili u përball me dëmtime të shumta përpara këtij turneu, u aktivizua nga stoli nga trajneri Carlo Ancelotti. Në minutat e fundit të kohës shtesë, 34-vjeçari shënoi nga pika e bardhë, pasi më parë pati një shkëmbim verbal me portierin Orjan Nyland. Ky gol nuk ishte i mjaftueshëm për të ndryshuar fatin e ndeshjes.
Pas vërshëllimës së fundit të gjyqtarit, Neymar mbeti i ulur në fushë, i kapluar nga lotët, ndërsa u ngushëllua nga shokët e skuadrës, përfshirë Raphinha-n. Për golashënuesin më të mirë në historinë e Brazilit me 80 gola, ky eliminim ka shtuar pikëpyetjet nëse kjo ishte paraqitja e tij e fundit në një kompeticion botëror, duke mbetur ende pa një trofe të madh me kombëtaren.
Përditësime
Pas eliminimit të Brazilit nga Kupa e Botës, sulmuesi Neymar ka ngritur pikëpyetje mbi të ardhmen e tij. Në një prononcim për CazéTV, lojtari i Santos-it deklaroi se vendimin përfundimtar për karrierën do ta marrë në fund të vitit 2026.