Më 18 maj 2026, rreth orës 11:50, në segmentin rrugor të fshatit Doberllukë të Vushtrrisë ka ndodhur një aksident trafiku mes tri automjeteve me targa civile vendore.
Si pasojë e aksidentit janë lënduar gjashtë persona. Njëri prej drejtuesve të automjeteve ka pësuar lëndime të rënda trupore. Të gjithë të lënduarit janë dërguar fillimisht në emergjencën e spitalit në Vushtrri.
Pesë prej tyre janë transferuar më pas në Qendrën Klinike Universitare të Kosovës për trajtim të mëtejshëm. Rreth orës 14:00 mjeku ka konfirmuar se 74-vjeçari nuk ka mbijetuar lëndimeve.
Trupi i pajetë i viktimës është dërguar me urdhër të prokurorit për obduksion në Institutin e Mjekësisë Ligjore. Hetuesit e aksidenteve të trafikut vazhdojnë hetimin për sqarimin e rrethanave të rastit.
Përditësime
Zëdhënësi i Policisë për rajonin e Mitrovicës, Ilmi Prekazi, konfirmoi se një 74-vjeçar humbi jetën në aksident trafiku në Doberllukë të Vushtrrisë. Hetimet vazhdojnë për të sqaruar rrethanat e incidentit.