Një person 31-vjeçar ka humbur jetën të enjten, më 21 maj 2026, pasi ra nga kati i tretë i një objekti në ndërtim e sipër në Vushtrri.
Viktima, e identifikuar si Valmir Klinaku, u dërgua në gjendje të rëndë në Emergjencën e Spitalit të Vushtrrisë. Nga spitali u konfirmua se ai nuk arriti t’u bëjë ballë plagëve dhe vdekja u konstatua aty.
Zëdhënësi i policisë për rajonin e Mitrovicës, Ilmi Prekazi, deklaroi se policia pranoi lajmërimin për rënien e një personi të gjinisë mashkullore. Njësitë policore dolën menjëherë në vendngjarje dhe filluan veprimet hetimore për të sqaruar rrethanat e incidentit.
Rasti është duke u hetuar nga policia, ndërsa burimet konfirmojnë se objekti ishte në ndërtim e sipër.