Sipas mediave kosovare, një orë para krimit të ndodhur të dielën mbrëma në Majac të Podujevës, Ardita Gashi dhe Ilazi, 45-vjeçari nga Obiliqi, pinë kafe në një lokal.
Ardita Gashi, 31-vjeçarja e dyshuar tashmë e ndjerë, e cila vrau Ilaz Brahimin dhe Miradije Gashin, gruan e axhës së tij, hyri në kafene së bashku me Ilazin të tensionuar. Ata qëndruan rreth një orë, pinë nga tre kafe dhe folën herë pas here me tone të larta.
Gjatë pagesës, të dy u ngritën në këmbë, ndërsa Ardita Gashi la çantën e dorës në karrigen pranë tavolinës. Ajo u kthye menjëherë për ta marrë.
Pas daljes nga lokali, çifti u nis drejt një veture Volkswagen me ngjyrë të bardhë. Fillimisht, Ardita Gashi u ul në sediljen e përparme, por pas pak minutash kaloi në pjesën e pasme.
Media kanë siguruar informacione të tjera rreth ngjarjes, por nuk i kanë publikuar për momentin për shkak të hetimeve në rrjedhë dhe ndjeshmërisë së rastit.
Përditësime
- Redaksia jonë ka siguruar targa-t e Volkswagen-it të bardhë të përfshirë në ngjarje.
- Ilazi (45-vjeçar) vdiq në vendngjarje.
- Ardita (31-vjeçare) dhe Miradije (73-vjeçare) vdiqën disa orë më vonë në QKUK nga plagët e rënda në kokë.