Protesta e Partisë Demokratike në Tiranë përshkallëzohet më 22 mars 2026 pranë Piramidës. Deputeti Flamur Noka, së bashku me deputetin Luçiano Boçi dhe me ndihmën e protestuesve, përplaset me policinë dhe thyen kordonin e sigurisë.
Gent Strazimiri kërkon nga punonjësit e Policisë së Shtetit të identifikohen. Protestuesit hidhin molotovë, ndërsa policia kundërpërgjigjet me gaz lotsjellës dhe presion uji për të shpërndarë turmën.
Kryedemokrati Sali Berisha nuk ndihet mirë pas hedhjes së gazit lotsjellës dhe largohet drejt banesës së tij. Protestuesit shpërndahen në zona të ndryshme të Tiranës.
Policia e Shtetit nis shoqërimet e para të protestuesve pas përplasjeve. Flamur Noka, sekretar i përgjithshëm i PD-së, akuzon efektivët e policisë për dhunë, duke thënë se ata kanë goditur në sy liderin e opozitës. "Jeni shndërruar si bandë. Keni goditur direkt në sy kreun e opozitës. Tërhiquni!", deklaron ai.