Nora Arapi Krasniqi është emëruar zëvendësministre e parë e Ministrisë së Kulturës dhe Turizmit në Qeverinë e Kosovës.
Kryeministri Albin Kurti ka marrë këtë vendim, siç bëhet e ditur në njoftimin zyrtar të Kryeministrisë. Emërimi vjen në vazhdën e plotësimit të strukturës qeveritare.
Nora Arapi Krasniqi është arkitekte dhe specialiste e konservimit të trashëgimisë kulturore. Ajo ka mbi 15 vjet përvojë profesionale në ruajtjen dhe rijetëzimin e monumenteve kulturore, me fokus në integrimin e konservimit në zhvillimin e qëndrueshëm urban dhe inovacionin kulturor.
Gjatë mandatit të kaluar qeveritar, Arapi Krasniqi ka shërbyer si këshilltare e lartë e ministrit të Kulturës, Rinisë dhe Sportit. Në këtë rol, ajo ka pasur përgjegjësi kryesore në hartimin e politikave kombëtare për zhvillimin e qëndrueshëm dhe menaxhimin e trashëgimisë kulturore.