Sipas një raporti të New York Times, Izraeli ka ndërtuar të paktën dy baza ushtarake sekrete në shkretëtirën irakiane. Qëllimi ishte të ndihmonte sulmet ajrore të Izraelit kundër Iranit, megjithëse Izraeli dhe Iraku i shohin njëri-tjetrin si shtete armiqësore.
Bariu Awad al-Shammari, 29 vjeç, zbuloi një prej bazave kur kaloi pranë saj me veturë. Ai telefonoi një zyrtar ushtarak irakian për të raportuar atë që kishte parë. Tre dëshmitarë thanë se vetura e tij u ndoq nga një helikopter dhe u qëllua.
Dy ditë më vonë, familja e gjeti kufomën e tij të djegur në shkretëtirë. Pas këtij incidenti, një njësi ushtarake rajonale irakiane u dërgua për të hetuar bazën. Gjatë operacionit një ushtar u vra, dy të tjerë u plagosën dhe dy automjete u shpërthyen. Njësia u tërhoq pas këtyre humbjeve.