Organizata Botërore e Shëndetësisë (OBSH) ka paralajmëruar se lufta në Lindjen e Mesme ka hyrë në një fazë të rrezikshme për shkak të sulmeve pranë objekteve bërthamore në Iran dhe Izrael.
Drejtori i Përgjithshëm i OBSH-së, Tedros Adhanom Ghebreyesus, e bëri këtë njoftim në platformën X. Ai deklaroi se: "Sulmet ndaj objekteve bërthamore përbëjnë një kërcënim në rritje për shëndetin publik dhe sigurinë mjedisore."
Tedros Adhanom Ghebreyesus u bëri thirrje të gjitha palëve, si çështje urgjente, të ushtrojnë vetëkontroll maksimal ushtarak dhe të shmangin çdo veprim që mund të provokojë një incident bërthamor.