Volker Türk, Komisioneri i Lartë i OKB-së për të Drejtat e Njeriut, dënoi ashpër "retorikën nxitëse" që shoqëron luftën në Lindjen e Mesme. Ai paralajmëroi se sulmet ndaj infrastrukturës civile përbëjnë "krime lufte" dhe sipas ligjit ndërkombëtar janë të ndaluara.
Në një deklaratë zyrtare, Volker Türk theksoi se çdo sulm i qëllimshëm ndaj civilëve dhe objekteve civile duhet të ndiqet penalisht. "Kushdo që është përgjegjës për krime ndërkombëtare duhet të nxirret para drejtësisë, në gjykatat kompetente", u shpreh ai. Ai nuk përmendi drejtpërdrejt palët ndërluftuese, si Shtetet e Bashkuara, Iran dhe Izrael.
Konflikti shpërtheu më 28 shkurt pas sulmeve të përbashkëta SHBA-Izrael ndaj Iranit. Ai ka shkaktuar mijëra viktima dhe tensionet vijojnë pa shenja uljeje.