Misioni i ODIHR në Shqipëri, në Ditën Botërore të Zgjedhjeve më 5 shkurt 2026, ka bërë thirrje për përmirësimin e ligjit zgjedhor. Përfaqësuesi Michel Tarran inkurajoi nisjen sa më të shpejtë të punës së komisionit për reformën zgjedhore.
Ai theksoi se legjislacioni aktual ka ende probleme dhe nuk është në nivelin e duhur. Sipas Tarran-it, ky është një rekomandim i vazhdueshëm i misionit të ODIHR. Ai shprehu shpresën se partitë politike kanë lexuar mesazhin e ODIHR-it dhe se të gjitha ato bien dakord për nevojën e ndryshimeve.
Michel Tarran deklaroi: «Rekomandimet e ODIHR janë për të përmirësuar ligjin e zgjedhjeve, dhe këtu inkurajojmë punën e komisionit për reformën zgjedhore. Shpresojmë shpejt të fillojë punën e tij. Puna e tij është shumë e rëndësishme, sepse ka disa probleme të lidhura me ligjin zgjedhor që sipas nesh nuk është akoma aty ku duhet të jetë. Ky është rekomandim i vazhdueshëm i misionit të ODIHR. Më duket se kësaj here mesazhin e ODIHR e kanë lexuar dhe partitë politike. Sa i përket debatit politik, ne nuk përfshihemi. Por të gjitha partitë politike janë dakord që ligji zgjedhor duhet të ndryshojë».
Reforma zgjedhore ka mbetur pezull për shkak të konfliktit politik. Brenda muajit shkurt, politika duhet të zgjidhë çështje si vota e diasporës dhe mandatet sipas zonave zgjedhore. Palët kanë lënë të hapur mundësinë e ndryshimit të Kushtetutës për sistemin zgjedhor.