Onard Memlika, 35-vjeçar, është transferuar sot në Spitalin e Traumës në Tiranë në gjendje të rëndë. Ai u plagos tre ditë më parë në Durrës, ndërsa u përpoq të shuante sherrin mes Mikel Ndoj-it, 56-vjeçar, dhe vajzës së tij, 24-vjeçare.
Sipas familjarëve, Memlika ndodhet aktualisht në reanimacionin e spitalit. Ai ishte një kalimtar i rastësishëm që ndërhyri në përleshjen familjare dhe mbeti i lënduar, ashtu si vajza.
Në njoftimin zyrtar të së hënës, policia e Durrësit bëri të ditur se të dy të plagosurit – Memlika dhe vajza – ndodheshin në Spitalin Rajonal të Durrësit dhe ishin jashtë rrezikut për jetën. Megjithatë, gjendja e Memlikës është përkeqësuar me kalimin e ditëve, duke detyruar transferimin në Tiranë.
Përditësime
Onard Memlika ka kaluar rrezikun për jetën pas plagosjes me thikë nga Mikel Ndoj, por mbetet nën monitorim në Spitalin e Traumës.
Plagosja ka shkaktuar dëmtim të trakjes dhe hyrje të ajrit në mushkëri.
Transferimi ndodhi mbrëmjen e djeshme.
Gjykata e Durrësit e ka lënë në burg Mikel Ndoj-n një ditë më parë; ai u shfaq duke mos shprehur pendesë dhe duke mohuar akuzat.
Mikel Ndoj e priste të bijën Xhesika Ndoj te agjencia imobiliare ku ajo punon, më 26 janar. Pas një debate të ashpër në rrugë, ai goditi me thikë Onard Memlika-n disa herë. Mikel Ndoj u largua fillimisht dhe u kap pas pak orësh.
Zhvillime të tjera:
- Motivi: Kthimi i tij për t'u bashkuar me familjen, i kundërshtuar nga vajza, djali dhe ish-bashkëshortja.
- Xhesika Ndoj vuante nga trauma psikologjike e fëmijërisë së dhunshme.
- Onard Memlika trajtohet në shërbimin e ORL-së me terapi të specializuar.