Presidentja Vjosa Osmani dha një deklaratë para mediave ndërkombëtare pas nënshkrimit të Kartës së Bordit të Paqes, në prani të presidentit amerikan Donald Trump dhe bashkëthemeluesve të tjerë. Ajo theksoi se Kosova është krenare të qëndrojë krah për krahë me ShBA-në në këtë iniciativë.
E para e vendit u shpreh e bindur se kjo organizatë do t’i ndihmojë vendet anë e kënd botës të arrijnë paqen që e meritojnë.
"Besoj fuqishëm në lidershipin e presidentit Trump dhe ekipit të tij. Kjo është për të shpëtuar jetë. Paqja nuk është gjithmonë e lehtë për ta arritur, por mund të mundësohet me bashkimin e të gjithëve", tha Osmani.
Presidentja vuri në dukje se Bordi i Paqes mund të sjellë paqen në vendet ku nevojitet, në mënyrë më pak komplekse se OKB-ja.
Kujtohet se të enjten Kosova u bë anëtare e kësaj organizate, iniciativë e presidentit Trump.
Përditësime
Vjosa Osmani postoi në Facebook një deklaratë ku theksoi përvojën e Kosovës nga lufta si fëmijë lufte. Ajo falënderoi SHBA-në për paqen e arritur. Bordi i Paqes bashkëpunon me OKB-në pa e zëvendësuar atë. Kosova shërben si shembull me mbi 20 vjet përvojë në ndërtimin e paqes.