Presidentja e Kosovës Vjosa Osmani reagoi pas takimit inaugural të Bordit të Paqes, ku mori pjesë më 19 shkurt 2026. Në një postim në Facebook, ajo shkroi: “Kosova sot ndjeu peshën e garancisë amerikane! Faleminderit, President Trump!”.
Gjatë fjalimit të tij në mbledhje, presidenti i Shteteve të Bashkuara Donald Trump përmendi Kosovën dhe Serbinë si shembull pozitiv. Ai tha: “Si një shembull e kemi Kosovën dhe Serbinë. Unë e përfundova këtë. Nëse dikush nga ju jeni këtu ju lutem ngrihuni në këmbë, Kosova e Serbia. Çfarë pune keni bërë ju faleminderit shumë. E çmoj shumë, është kaq mirë. Dhe ju po merreni vesh. E kur ndodh kjo ju më thirrni dhe ne do ta zgjidhim”. Trumpi u zotua për ndërhyrje në rast problemesh mes tyre.
Mbledhja u fokusua në parandalimin e konflikteve globale. Trumpi e vlerësoi çështjen e Iranit si prioritet dhe shprehu shpresën për arritjen e një marrëveshjeje me këtë shtet.
U bë e ditur se Kosova është ndër pesë shtetet e para që janë zotuar për dërgimin e trupave paqeruajtëse në kuadër të një force ndërkombëtare për sigurinë në Gazë.
Kryeministri i Shqipërisë Edi Rama kërkoi nga SHBA-ja veprime ndaj të akuzuarve për krime lufte në Hagë. Po ashtu u njoftua ndarja e disa miliarda dollarëve për rindërtimin e Gazës pas konfliktit.