Presidentja e Republikës së Kosovës, Vjosa Osmani, priti më 13 mars 2026 në Presidencë ambasadorin e Republikës Italiane, Maurizio Antonini.
Në takim u diskutua për zhvillimet e fundit politike në Kosovë, si dhe për aspekte të ndryshme të bashkëpunimit bilateral ndërmjet Kosovës dhe Italisë.
Vjosa Osmani theksoi marrëdhëniet e shkëlqyera ndërmjet dy shteteve. Ajo shprehu mirënjohjen e thellë të popullit të Kosovës për mbështetjen e vazhdueshme të Italisë në të gjitha fazat kyçe të shtetndërtimit dhe forcimit të pozitës ndërkombëtare të Kosovës.
Në njoftimin zyrtar të Presidencës vlerësohet rëndësia e vazhdimit të bashkëpunimit në fusha me interes të përbashkët.