Presidentja e Republikës së Kosovës, Vjosa Osmani, gjatë Samitit Botëror të Qeverisjes, u takua më 5 shkurt 2026 me kryeministrin e Mbretërisë së Eswatinit, Russell Mmiso Dlamini.
Në takim, Osmani shprehu mirënjohjen e popullit të Kosovës për njohjen e hershme të pavarësisë nga Eswatini. Palët diskutuan për koordinim më të ngushtë në forume multilaterale, gatishmërinë për lidhjen e marrëveshjeve konkrete në fusha me interes të dyanshëm, si dhe thellimin e marrëdhënieve bilaterale dhe bashkëpunimin në forume ndërkombëtare.
Në një postim në rrjetet sociale, presidentja Osmani theksoi se Kosova mbetet e përkushtuar ndaj partneriteteve të ndërtuara mbi respekt dhe vizion të përbashkët për paqe dhe zhvillim.
Përditësime
Aleksandar Vučić pretendoi se Eswatini e ka njohur Kosovën në 2023, duke e llogaritur si njohjen e 9-të. Albin Kurti i mohoi pretendimet e Vučićit. Marrëveshja e Ohrit nuk e ndalon Serbinë nga lobimi kundër njohjeve të Kosovës.