Presidentja e Kosovës, Vjosa Osmani, ka njoftuar se u takua me presidentin e Sierra Leones, Julius Maada Bio, gjatë vizitës së saj në Emiratet e Bashkuara Arabe më 3 shkurt 2026.
Në takim, palët diskutuan për thellimin e bashkëpunimit ndërmjet Kosovës dhe Sierra Leones, në përfitim të qytetarëve dhe për adresimin e sfidave të përbashkëta. Osmani theksoi se Kosova mbetet e përkushtuar të ndërtojë partneritete të forta e të qëndrueshme me vende në mbarë botën.
Sipas deklaratës së saj: “Në Emiratet e Bashkuara Arabe, në takim me Presidentin e Sierra Leones, Julius Maada Bio, diskutuam për thellimin e bashkëpunimit ndërmjet dy shteteve tona, në përfitim të qytetarëve tanë dhe për adresimin e sfidave të përbashkëta. Kosova mbetet e përkushtuar të ndërtojë partneritete të forta e të qëndrueshme me vende në mbarë botën.”
Osmani ndodhet në Emiratet e Bashkuara Arabe për të marrë pjesë në World Governments Summit.