OVL-UÇK ka mbajtur më 30 mars 2026 një protestë simbolike para Kuvendit të Kosovës.
Pas përfundimit, organizata ka falënderuar të gjithë pjesëmarrësit përmes një njoftimi në Facebook.
Në njoftim thuhet: «Falënderojmë të gjithë pjesëmarrësit në protestën simbolike të sotme, të organizuar nga kategoritë e dala nga lufta e UÇK-së. Njëherit, njoftojmë opinionin publik se nëse nuk do të ketë reflektim nga ana e institucioneve ndaj kërkesave tona, aktiviteti ynë kundër tendencave për shtrembërimin e historisë sonë do të vazhdojë edhe në ditët në vijim, për të cilat do të njoftoheni me kohë».
Protesta erdhi si kundërshtim ndaj ekspozitës së organizuar në sheshin e kryeqytetit nga Shkelzen Gashi me Integra-në për masakrat gjatë viteve 1998-1999 në Kosovë.
Sipas OVL-UÇK-së dhe burimeve të tjera, kjo ekspozitë përmban gabime, si ulja e numrit të viktimave në disa raste dhe paraqitja e disa viktimave të Masakrës së Dubravës si të armatosur.