Organizata e Veteranëve të Luftës së UÇK-së ka bërë thirrje publike për mobilizim të veteranëve dhe qytetarëve në Skenderaj, pranë stacionit të policisë, ku pritet të intervistohet gjenerali Sami Lushtaku. Ngjarja parashikohet të zhvillohet sot, më 15 maj 2026.
Në njoftimin e saj, organizata fton të gjithë ata që ndjejnë respekt për luftën çlirimtare të bashkohen në tubim. Ajo thekson se “sot më shumë se kurrë kërkohet unitet, dinjitet dhe përkrahje për ata që i dolën zot Atdheut në ditët më të vështira të historisë sonë”.
Sipas thirrjes, prania e pjesëmarrësve shërben si mesazh se lufta çlirimtare e UÇK-së ishte e drejtë dhe se luftëtarët e saj nuk do të jenë kurrë vetëm. Organizata kërkon që tubimi të zhvillohet në mënyrë të qetë, dinjitoze dhe në frymën e respektit qytetar.
Përditësime
OVL-UÇK raporton se mobilizimi në Skenderaj për Sami Lushtakun u zhvillua me sukses, me pjesëmarrje të qytetarëve dhe veteranëve.
OVL-UÇK falënderon pjesëmarrësit për unitet, dinjitet dhe respekt ndaj luftës së UÇK-së, dhe bën thirrje për shpërndarje të qetë dhe kthim në shtëpi me dinjitet.