Qëndrimi në paraburgim i ish-Presidentit Ilir Meta është bërë temë diskutimi në Parlamentin e Maqedonisë së Veriut.
Zv.kryeministri dhe ministri i Infrastrukturës, Alexandar Nikolovski, mbajti një fjalim gjatë një seance plenare, ku kritikoi opozitën e vendit për afrimin me kryeministrin shqiptar Edi Rama. Nikolovski deklaroi se Ilir Meta mbahet në paraburgim, ndaj tij nuk ka asnjë dosje.
Gjatë fjalimit, ai përmendi karrierën politike të Metës, duke e cilësuar atë si kryetar i mëparshëm i Partisë Socialiste, ish-kryeministër, ish-kryetar parlamenti, ish-ministër i Punëve të Jashtme dhe ish-President i Shqipërisë. "Ai që është ultra-demokratik, kryetari i mëparshëm i Partisë Socialiste, kryeministër, kryetar i Parlamentit, Ministër i Punëve të Jashtme dhe President i shtetit, së pari e rrahu dhe pastaj e la në paraburgim. Nuk ka dosje, ama e ka mbajtur në paraburgim për dy vjet. A e dhuroni një person të tillë, dhe një person i tillë është miku juaj?", tha Nikolovski.
Ilir Meta ka marrë mesazhe mbështetjeje nga funksionarë të lartë të VMRO-DPMNE-së. Në zgjedhjet e fundit parlamentare në Maqedoninë e Veriut, ai ka bërë thirrje për votimin e partisë së ish-kryeministrit Gruevski.
Përditësime
Aleksandar Nikolovski e quajti Edi Ramën pasardhës të Enver Hoxhës, akuzoi një deputet opozitar për spiunim dhe lidhje me të, si dhe e cilësoi Ilir Metën si "burgosur politik". Nikolovski, figurë kyçe e VMRO-DPMNE, është i afërt me Metën dhe aleat i Viktor Orbánit.