Pjesa e parë e takimit mes Gjermanisë dhe Paraguait, në kuadër të Kupës së Botës 2026, është mbyllur me avantazhin surprizë të paraguajanëve. Ndeshja nisi me ritëm të lartë, ku që në çastet e para Julio Enciso krijoi një rast të rrezikshëm, të ndalur nga portieri Manuel Neuer.
Pas minutave të para, Gjermania mori kontrollin e lojës duke krijuar mundësi shënimi përmes Florian Wirtz, Kai Havertz dhe Deniz Undav. Përpjekjet e gjermanëve, përfshirë goditjet nga distanca dhe standardet e ekzekutuara nga Wirtz e Joshua Kimmich, u neutralizuan nga portieri paraguajan Orlando Gill.
Në minutën e 42-të, Paraguai gjeti rrugën drejt rrjetës. Julio Enciso realizoi me kokë pas një krosimi të saktë nga Matías Galarza, duke mposhtur Manuel Neuer. Deri në vërshëllimën e fundit të 45 minutave të para, skuadra gjermane tentoi të kundërpërgjigjej përmes goditjeve nga këndi dhe presionit të vazhdueshëm, por mbrojtja e Paraguait qëndroi solide.