Kombëtarja e futbollit të Paraguait ka realizuar një sukses historik në Kupën e Botës 2026, duke eliminuar Gjermaninë në raundin e 32-shes. Ndeshja, e cila përfundoi 1-1 pas kohës së rregullt dhe vazhdimeve, u vendos nga goditjet e penalltive, ku paraguaianët triumfuan 4-3.
Menjëherë pas vërshëllimës së fundit, Presidenti i Paraguait, Santiago Peña, nënshkroi Dekretin nr. 6280, përmes të cilit e shpalli ditën e martë festë kombëtare në mbarë vendin. Ky vendim zyrtar solli mbylljen e institucioneve publike dhe shkollave, duke u mundësuar qytetarëve të festojnë fitoren në rrugët e kryeqytetit Asuncion dhe në çdo cep të vendit. Presidenti Peña e vlerësoi suksesin si një dëshmi të identitetit, guximit dhe besimit të popullit paraguaian.
Ky është një rikthim i rëndësishëm për Paraguain në fazën e 1/8-ave, ndërsa ekipi vazhdon rrugëtimin në turne. Në sfidën e radhës, ekipi do të përballet me fituesin e çiftit ndërmjet Francës dhe Suedisë.
Përditësime
Presidenti Santiago Pena Palacios ka shpallur 30 qershorin 2026 festë kombëtare, pas fitores historike të Paraguait kundër Gjermanisë në penallti gjatë Kupës së Botës. Përmes një postimi në rrjetet sociale, Presidenti u shpreh: 'Paraguai nuk dorëzohet kurrë! Festojmë!'