Ditën e diel, 10 maj 2026, Shqipëria ndikohet nga kushte atmosferike relativisht të paqëndrueshme.
Moti parashikohet me vranësira mesatare deri të dendura, si dhe alternime të herëpashershme kthjellimesh. Reshje të herëpashershme shiu, kryesisht të karakterit lokal, priten në pjesën e parë të ditës. Nga orët e mesditës dhe pasdites, reshjet me intensitet të ulët do të përfshijnë pjesën më të madhe të vendit. Në mënyrë të lokalizuar priten shtrëngata afatshkurtra përgjatë relieveve malore në jug të territorit, ndërsa reshjet mbeten prezente në relievet malore të veriut.
Era do të fryjë me drejtim veriperëndim–jugperëndim me shpejtësi mesatare 7 m/s. Valëzimi në detet Adriatik dhe Jon parashikohet i forcës 1-2 ballë.