Ditën e martë, 17 Shkurt 2026, moti në Shqipëri parashikohet me vranësira mesatare deri të dendura, më të theksuara në pjesën e parë të ditës.
Reshjet e shiut do të jenë prezente që në orët e para të 24-orëshit deri në mëngjes, me intensitet të ulët dhe mesatar, kryesisht në formë shtrëngatash afatshkurtra në pjesën më të madhe të territorit. Në zonën jugore, reshjet në orët e para të mëngjesit priten me intensitet deri të lartë, në intervale të shkurtra kohore.
Gjatë ditës, reshjet e shiut do të vazhdojnë të herëpashershme në pjesën më të madhe të vendit, me intensitet të ulët dhe hera-herës lokalisht deri mesatar, shoqëruar me shtrëngata afatshkurtra.
Reshje dëbore
Në zonën e Alpeve, verilindje-lindje në lartësitë mbi 500-700 metër dhe juglindje-jug në lartësitë mbi 700-800 metër, priten reshje dëbore me intensitet të ulët dhe lokalisht deri mesatar.
Erë dhe det
Era do të fryjë me drejtim perëndim-veriperëndim, me shpejtësi mesatare 9 m/s. Përgjatë vijës bregdetare dhe në zonat luginore, shpejtësia e saj arrin deri në 24 m/s.
Valëzimi i detit parashikohet i forcës 3-5 ballë.