Moti në Shqipëri për ditën e mërkurë 20 maj pritet të jetë i qëndrueshëm dhe pa reshje shiu. Kushtet atmosferike do të karakterizohen nga kthjellime dhe vranësira të pakta kalimtare.
Temperaturat minimale dhe maksimale të ajrit do të arrijnë vlera të ndryshme sipas zonave. Në zonat bregdetare ato do të variojnë nga 14 deri në 23°C. Në vendet e ulëta temperaturat do të jenë nga 8 deri në 25°C, ndërsa në zonat malore nga 6 deri në 20°C.
Era do të fryjë me intensitet mesatar deri të fortë kryesisht në zonat bregdetare dhe herë pas here do të forcohet gjatë ditës.