Ditën e martë, 28 prill 2026, Shqipëria do të vijojë të ndikohet nga kushte atmosferike krysisht të qëndrueshme. Moti parashikohet i kthjellët me alternime vranësirash mesatare deri të dendura, të përqendruara në relievet malore të zonës lindore dhe malësitë e jugut.
Vranësirat e dendura pritet të shoqërohen me reshje të dobëta shiu në formë pikash, ndërsa lokalisht këto reshje do të jenë në formën e shtrëngatave të izoluara dhe afatshkurtra.
Temperaturat e mesditës parashikohen të ngjiten deri në 27 gradë në vendet e ulëta dhe bregdetare, si dhe 24-25 gradë në zonat malore.
Era do të fryjë e lehtë me drejtim kryesor jugperëndim–veriperëndim dhe shpejtësi mesatare 5 m/s. Valëzimi në detet Adriatik dhe Jon do të jetë i forcës 1-2 ballë.