Ditën e martë, 31 Mars 2026, Shqipëria do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura në të gjithë territorin.
Reshjet e herëpashershme të shiut me intensitet të ulët do të jenë të pranishme që në orët e para të ditës deri në mëngjes përgjatë vijës bregdetare. Gradualisht, ato priten të shtrihen në pjesën tjetër të vendit.
Gjatë ditës, reshjet e shiut me intensitet të ulët do të vazhdojnë në pjesën më të madhe të vendit. Hera-herës shtrëngata afatshkurtra dhe lokalisht shkarkesa elektrike parashikohen në zonën jugperëndimore dhe qendrore.
Në zonën e Alpeve, në lartësi mbi 800-900 metra në veri-verilindje-juglindje, do të bien reshje bore me intensitet të ulët.
Era do të fryjë me drejtim verilindje-juglindje me shpejtësi mesatare 9 m/s. Përgjatë vijës bregdetare dhe zonave luginore, shpejtësia e saj pritet të arrijë deri në 18 m/s.
Valëzimi në detet Adriatik dhe Jon do të jetë i forcës 3 ballë.
Përditësime
Vizion Plus parashikon temperaturën më të ulët prej 14°C në Kukës, ndërsa më e lartën deri në 17°C në qarqet e Tiranës, Beratit dhe Fierit.