Për ditën e mërkurë, 19 gusht 2026, vendi ynë do të ndikohet nga kushte atmosferike relativisht të qëndrueshme. Sipas Shërbimit Meteorologjik Ushtarak, moti parashikohet me kthjellime dhe alternime vranësirash, të cilat në relievet kodrinore dhe malore do të jenë mesatare e lokalisht të dendura, por prezente vetëm deri në orët e pasdites.
Më pas, parashikohet shpërbërja graduale e vranësirave dhe mbizotërimi i motit të kthjellët në të gjithë territorin. Era do të fryjë me drejtim kryesor veriperëndim-juglindje, me një shpejtësi mesatare prej 7-9 m/s. Ndërkohë, valëzimi në det do të jetë i forcës 1-2 ballë.